職涯工作坊③ 求職技巧與AI招聘

大家好！近半年AI嘅應用銳不可當，

就連我呢個活動宣傳文同圖片(睇下相中啲手手)都係AI幫手整嘅。

喺應徵工作嘅過程僱主會點樣應用AI呢？而撇除AI，企業又會想要點樣嘅人材呢？

你想知多啲，就一定要參加我哋今次嘅職涯工作坊啦！

日期：4月4號（星期二）
時間：晚上7時至9時
地點：石硤尾南山邨南逸樓3-10號地下自助組織發展中心

工作坊內容：
*Part 1*：兩小時最新招聘趨勢講座
– 企業需要甚麼人材：了解最新招聘市場趨勢同埋企業對求職者嘅要求。
– 僱主如何運用AI進行招聘：了解人工智能喺招聘過程中嘅角色。
– 應徵面試技巧：學習點樣喺面試中展示自己嘅優勢同應對各種問題。
– 職涯成功：探討如何在職涯中取得成功和發展。

而今次工作坊係有後續嘅。如果參加者想確認自己嘅實力，可以另外報名同Winny進行模擬面試！
*Part 2*：模擬面試(非即日)
– 30-45分鐘模擬面試：實際體驗面試流程，練習點回答各種面試問題。
– 提供面試分析同建議：Winny會根據你嘅表現提供個別面試分析同建議，幫助你提高面試技巧和職業發展。

立即報名，一齊提升求職競爭力啦！

https://docs.google.com/……/1FAIpQLSd5E……/viewform

職涯工作坊② DE&I與LGBT+

大家有冇聽過DE&I呢？
Diversity, Equity, Inclusion 多元、公平、共融，係國際企業嘅大趨勢，

係近年一直在提倡嘅新職場文化。

今次我哋邀請咗兩位重磅嘉賓：現職律師事務所DLA Piper嘅Florence (Asia Culture & Inclusion)，

同埋為各大企業提供共融Training嘅Encompass HK創辦人Benita！
呢個工作坊係專門針對對DE&I概念有興趣嘅朋友，

旨在同你哋分享LGBT+共融係點樣從NGO、社企同商業機構嘅角度去睇，

同埋討論下DE&I價值點樣溶入ESG (Environment, Social, Governance)。

亦會講下慈善機構、非政府組織同商業機構喺呢個領域入面所扮演嘅角色。

喺呢個工作坊裏面，你將會學到點樣適應呢個領域，

角色係點樣同埋點樣推動更多元共融文化，尊重且保有每個人嘅差異性。

我哋歡迎所有對 DE&I 同 LGBT+ 共融有興趣嘅人士參加，

無論你對呢個主題嘅理解有多深，都歡迎你嚟參加呢個工作坊。
希望可以同你一齊傾下點樣創造一個更多元、更公平同埋更共融嘅社會。

日期：3月21日（星期二）
時間：19:00~20:30
場地：DLA Piper 歐華律師事務所
（中環交易廣場3期25樓）
費用：全免
集合時間地點：18:45-18:55，交易廣場3期平台電梯大堂
請盡量準時，需要遲嘅朋友煩請Whatsapp/Signal 6120 9810

報名：
https://docs.google.com/……/1FAIpQLSeYoS4A……/viewform

跨性別在職場職涯工作坊2022

又到咗職涯工作坊嘅季節喇！
資深HR主管Winny今年會轉轉個形式，第一彈就請嚟一位重量級嘉賓。
呢位嘉賓係一位知名機構管理人員，重點係佢曾經積極協助過一位跨性別人士下屬完美地適應職場。

為咗隆重其事，我哋今次地點都會轉一轉，去到兆基創意書院舉行

咁難得你唔係唔嚟呀？

日期：2022年10月22日星期六
時間：14:30-16:30
地點：九龍聯合道 135 號香港兆基創意書院文化藝術中心（樂富站步行約10分鐘）
對象：跨性別人士
名額：20人

費用：全免
※場地規定，參加者須要當日做快速檢測，影相為證。入場須掃安心出行，並展示藍碼。

報名：https://forms.gle/h7ZTabDwvipoP2DC6

職涯工作坊（五）：性別與職場

過往幾場嘅工作坊Winny向我哋講解咗
工作型態、法律權益、面試技巧、職業導向
最後一節我哋想講下喺職場入面「如何自處」。

喺職場會有唔同嘅角色，當我哋選擇用新嘅性別身份去工作時，
有咩要理解同協商，又有咩應該堅持呢？
向公司come out又要注意啲乜呢？一齊嚟傾傾佢吧！

日期：2021年11月13日星期六
時間：2:00-4:00pm
地點：石硤尾南山邨南逸樓地下3-10號自助組織發展中心
費用：全免

報名：https://form.123formbuilder.com/1991352/form

職涯工作坊第四彈＜職業導向＞

上次個特別嘉賓係咪好強大呢？今次第四節又有另一位嘉賓啊！

第四節Winny會講下點樣揀工作，自己有咩特性，適合做咩工種等等。

日期：2021年10月30日星期六
時間：2:00-4:00pm
地點：石硤尾南山邨南逸樓地下3-10號自助組織發展中心
名額：10-12人

今次會有特別活動，留意會有人數限制啊。
另外會想參加嘅朋友先填以下嘅問卷，有得揀中文嘅。
各自記錄低個結果到時傾傾吖。
https://www.viacharacter.org/survey/account/register

報名：https://forms.gle/7WPeuaexzfviANvq6

〈職涯工作坊第三彈：面試技巧〉

職涯工作坊，10月會有兩場啊。首先10月2號星期六晏晝，從HR角度講下面試技巧。

日期：2021年10月2日星期六
時間：1400-1600+問答時間
地點：自助組織發展中心

有興趣就去報個名喇！

https://fb.me/e/1IdO5aGvZ

職涯工作坊第二彈〈面試與工作法律權益〉

有冇試過等見工時被要求攞身份證影印？唔俾會唔會唔請？
跨性別者請假覆診sick leave有冇pay？
Parttime跟唔跟勞工法例？
工作上嘅歧視又點計？

上次資深HR Winny講咗好多種唔同嘅僱傭模式，

今次我哋會講下大家都關心嘅法例保障，包括勞工例、sick leave、私隱、歧視問題等等嘅權益。
咁正冇理由唔參加啦！

日期：2021年8月27日星期五
時間：1930-2100+問答時間
地點：自助組織發展中心

報名
https://form.123formbuilder.com/1991352/

查詢：6120 9810(WhatsApp/Signal)

2019 職業工作坊：家居斷捨離

傳說，每一個女仔都擁有超過一座山。

我絕對相信每位跨性別者都擁有超過一座！
跨女有衫山、鞋山、化妝品山…..，跨仔有健身器材山、生鬚生髮劑山…..

職業治療師：要學一下斷捨離嗎？

(

^q^)：斷捨離是甚麼概念？好吃的嗎？

(以下認真)
職業治療提倡讓受助者恢復獨立及有意義的生活。

於以往的觀察中，見到有不少服務使用者於性別身份轉接期間，

會因為心理上、生理上的變化，而影響了生活，

衍生了不同的不良適應/應對的生活模式。

有見及此，本年度的職業治療系列，將嘗試由重整家居生活介入，、

讓服務使用者於重拾家居生活時，與心靈來一場斷捨離！

上課日期：(逢星期六下午3時～5時)
4月27日：家居安全有法
5月04日：家居斷捨離法則及理論篇
5月11日：家居斷捨離技巧篇
5月18日：家居斷捨離實戰篇
5月25日：家居斷捨離 debriefing 及分享會

費用：全免
對象：跨性別人士或家屬
地點：石硤尾南山邨南逸樓地下3-10號自助組織發展中心
報名：
http://www.123formbuilder.com/form-1991352/2019

*此工作坊由政制及內地事務局贊助

就業/職涯工作坊 2016『工作Rock & Roll』

Gender Empowerment 得到政制及內地事務局資助，將會舉辦一系列的就業/職涯工作坊，並邀請到在職職業治療師來作導師。

日期：2016年11月18,25日, 12月2,9,16日, 2017年1月6,13日. 共7個星期五。
時間：7:30 – 9:30pm
地點：石峽尾南山邨南逸樓3-10號地下自助組織發展中心
費用：全免

內容包括：

1) (11月18日) 人生夢與想 – 透過歌曲分享對工作的看法，並分享工作價值觀。

2) (11月25日) 我是誰? – 了解自己的職業性向（能力和興趣等）

3) (12月2日) 你想工作何處尋？ – 搵工搵工

4) (12月9日) 無縫銜接？ – 一齊探討下工作上可以點樣與你的性別身份順利過渡（Smooth transition）

5) (12月16日職場GO GO GO – 撰寫履歷表和求職技巧探究

6) (2017年1月6日) 職場衣著 – 由廣告界Stylist 點出一些實用小貼士

7) (2017年1月13日) 向標竿直跑 – 面試技巧，及訂立工作目標

就業/職涯工作坊 (下集)

Gender Empowerment 申請到平機會資助，餘下的就業/職涯相關工作坊詳情如下：

日期：2016年1月9, 16, 23, 30日，共4個星期六。
時間：3:00 – 5:00pm
地點：石峽尾南山邨南逸樓地下自助組織發展中心

內容包括：

4) (1月9日) 我要自強 – 在了解了自己的興趣與長處、對自身性別身份的規劃時間表、及僱主的想法後，今次就與你深入探討可行出路，並開始搵工或搵進修課程以持續增值，開展有意義的人生。

5) (1月16日) 有意義的人生 – 除了我們的性別以外，我們還關心甚麼？重視甚麼呢？是與家人的關係？是實現自我？是貢獻社會？是努力行善？是見識世界？工作佔去了我們這麼多的時間，到底我們還有沒有剩下的精力去分給我們看重的人事呢？還是應該想想可以怎樣去將工作與我們看重的意義結合呢？

6) (1月23日) 穿出型格上班去 – 所謂人靠衣裝，不同工種會有不同的dress-code，而transition中的跨族如何能「以外表服人」，減少別人的疑慮或不安、增強自己的自信，以致能專心工作等等，衣服造型等配搭自是不可缺少的元素。今次就請來廣告影視製作的stylist來跟大家分享一下化妝穿衣之道。Stylist近期參與的製作包括iphone 6s的廣告（香港拍攝部份）。

7) (1月30日) 我不是一個人 – 今次談談見工時要注意的事，以致於在工作間與同事的相處。

各位可因應題目自由報名。謝謝。:)

就業/職涯工作坊 (上集)

Gender Empowerment 申請到平機會資助，將會舉辦一系列的就業/職涯相關工作坊，並邀請到有「全球職涯發展師」資格的專業人士來協助。

日期：2015年12月12, 19日、2016年1月2, 9, 16, 23, 30日，共7個星期六。
時間：3:00 – 4:30pm
地點：石峽尾南山邨南逸樓地下自助組織發展中心

內容包括：
1) (12月12日) 自我探索 – 了解自己的興趣與能力，及過往的工作經驗，以至能評估自己未來的發展方向。

2) (12月19日) 我的路 – 作為一個跨性別，我們在職場上面對的人、事、煩惱和顧慮，自然跟其他人有點不同，只是come out與否，或是若選擇開始性別過渡(Transition)的話，其實也不能避免要「現身」的了。那究竟我現在所處的(性別過渡)階段，與我的終極目標，如何能與我的工作發展/規劃配合呢？我現階段正面對一些甚麼樣的挑戰？將來又可預期/應預期會有甚麼挑戰呢？歡迎大家來反映和討論一下。

3) (1月2日) 僱主聽到「跨性別」這個名稱時，他們的了解有幾多，又會有甚麼聯想呢？有一些跨性別朋友能夠在原有的工作間內，經歷並完成她/他們的性別過渡，當中僱主或那個工作環境到底做了一些甚麼樣的配合呢？

4) (1月9日) 我要自強 – 在了解了自己的興趣與長處、對自身性別身份的規劃時間表、及僱主的想法後，今次就有專人與你深入探討可行出路，並開始搵工或搵進修課程以持續增值，開展有意義的人生。

現在先是頭四次工作坊的報名，各位可因應題目自由報名，不過參與第四次工作坊的朋友要最少同時參與過第一次工作坊，以便能給予您適切的意見去探討前路。
其餘三次工作坊會是關於返工衣著、化妝、見工等，日後會有更詳盡資料公佈並讓大家報名。請密切留意。:)