~性別空間首篇漫畫上線喇！~ 跨性別人士嘅性別認同可以分為 二元 與 非二元，你哋知唔知? "They" 而家不時會用作為一個中性嘅單數代詞，而唔係我哋一般認知嘅眾數代詞，就好似廣東話既「佢」而唔係「佢哋」。你哋又知唔知? 另外，究竟應該點樣去對跨性別人士表達尊重呢? 喺介紹的時候，又點樣去處理佢哋現在與過去嘅身份呢? 今次我哋就作出新嘗試，以漫畫嘅形式去講吓呢一個議題。
活動花絮： 活動詳情： 當你哋又開始過住每日汗流浹背咁返學、返工嘅日子，就知道夏天即將嚟到。熱辣辣嘅六月份，更係代表一年一度嘅Pride Month又到啦！ 為慶祝Pride Month，我哋喺六月份安排咗一場電影分享會作為頭炮活動，與大眾同歡。 今個月想同大家分享嘅係一套關於追夢嘅電影。故事主角係一個受困於男兒身嘅女孩，佢擁有相當嘅天賦，但佢追夢之路並唔係想像中咁順利。因為服食藥物而變得虛弱嘅身軀本來已經係佢難以跨越嘅一大難關，再加上身邊人加諸於佢嘅無形壓力更加成為壓垮佢嘅最後一根稻草。 呢套電影就好似一杯良茶，喺輕呷品嚐之後，口腔會留低淡淡嘅回甘。電影嘅結局留低咗悠長嘅餘韻，等觀眾觀賞過後靜靜反思其細節，希望大家喺觀賞之後都會有咁嘅感覺。 經過一番簡介，各位係唔係對呢套電影充滿期待呢？咁就約定你哋，六月第一個星期六晚，我們到時見～ 詳情如下： 日期：2021年6月5日 (六) 時間：20:00-22:00 地點：石硤尾南山邨南逸樓地下3-10號 自助組織發展中心 對象：歡迎跨性別者、家屬、支援者、或對跨性別議題有興趣的公眾人士參與 費用：全免 *雖然而家疫情放緩，不過都希望嚟參加活動嘅朋友仔做好防疫措施：嚟到中心探熱、洗手，而我哋都會準備空氣淨化機，希望大家睇得安心。 TEXT & GRAPHICS：TASHA
疫情影響下，相信好多朋友積存咗好多壓力而冇機會處理，因而影響精神健康。 有見及此，我哋邀請咗跨仔阿Sho (@Volts workshop) 幫大家做個靜心(meditation)放鬆工作坊，嘗試為大家做個精神大掃除。 日期：5月15日 星期六 時間：晚上8-10時 地點：石硤尾南山邨南逸樓地下3-10號 自助組織發展中心 對象：跨性別者及家屬 名額：15名 費用：全免 內容： 1. 水晶鉢：引導呼吸放鬆 2. 觀想：清除負面意念，取回身心平衡 *絕無宗教成分 當日穿著舒適服裝來參加就可以
因疫情而推遲咗嘅言語治療課程正式開始公開報名喇！ 前期課程 日期：11月2、9、16、23日(逢星期一) 或 11月5、12、19、26日(逢星期四) 後期課程 日期：2月中(日子待定) 時間：早班19:30－21:00 夜班21:00－22:30 共8堂，$85/堂，總共$680 前期4堂為2人一組，後期4堂合併兩組為4人一組。 防疫方面，課堂中導師、職員、學員均須戴口罩、量體溫及填寫簡單健康申報表。 另外我哋準備咗紫外光空氣清新機，務求將風險減至最低。 因為名額有限，如報名人數超過名額，會進行內部抽籤，並非先到先得。 希望大家都練成適合自己嘅聲線。
活動花絮： 活動內容： 係咪跨性別人士就唔會比人性侵?一旦性侵事件發生係跨性別人士身上，實際上可以點做? 有啲乜法律上嘅保障?無身體接觸嘅話算唔算性侵?如果出現被捕嘅情況，跨性別人士可以點樣保護自己? 《性罪行條例》* 經多次修訂，最近一次喺2020年新訂嘅「插入式性侵犯」擴大了強姦罪嘅定義，為男性同跨性別等嘅性侵受害人提供更多保障。值得留意嘅喺，新訂嘅法例會唔會仍存有灰色地帶令跨性別人士無法得到保障? 呢次嘅講座有幸邀請到Anti480嘅同工為大家解釋性暴力嘅定義、了解現時《性罪行條例》* 嘅限制及相關條例改革嘅影響，而跨性別人士又係咪能因此得到保障 。另外，亦會介紹應對性暴力嘅方法，以及相關嘅求助資訊。 關注婦女性暴力協會 Association Concerning Sexual Violence Against Women Anti480嘅工作係透過分享性暴力嘅定義、行為同應對方法(包括旁觀者教育)，並與青少年探討對意願之理解，帶出尊重他人意願之訊息，以及提升佢哋嘅反性暴力意識及回應性暴力嘅能力。 受疫情影響，「消除性暴力文化」專題講座將會以網上形式舉行。大家可以預先下載Webex Meeting(無需註冊) ，活動連結將會喺活動前一日透過電郵，向報咗名嘅參加者發出，請大家留意！ 活動詳情： 日期：2020年12月4日(五) 時間：晚上8:00~10:00 地點：網上 (活動連結將會於活動前一日透過電郵發出，請參加者留意) 對象：跨性別者、家屬、支援者、或對跨性別議題有興趣嘅公眾人士 費用：全免 活動使用語言：廣東話
久違的電影分享會終於回來了! 七月的電影分享會是一套英國傳記劇情電影，介紹史上第一位進行性別重置手術的人。 每個跨性別人士決定以自我認同的性別生活的步伐都不一樣，有人較年輕、有人較年長；有人單身、有人已婚... 每個人的旅程都不一樣﹐陪伴的家人、朋友、伴侶﹐關係上微妙的改變﹐又可如何適應? 感謝上一次各位的踴躍參與，包括社群中人及前輩、現職社工、大專學生等等。 今年的 Pride month (六月) 大家或許仍只能靠網上聯繫去互相集氣，七月份我們就先透過電影來重聚吧！ 近年推出越來越多跨性別電影及紀錄片，而今次這一套其中一位演員更因此電影獲得奧斯卡最佳女配角，絕對推薦大家來觀看。 至於究竟是哪一套電影？來觀看就會知道啊！ 詳情如下： 日期：7月4日(六) 時間：晚上8:00~10:30 地點：石硤尾南山邨南逸樓地下3-10號 自助組織發展中心 對象：歡迎跨性別者、家屬、支援者、或對跨性別議題有興趣的公眾人士參與 費用：全免 *此活動由社會福利署資助
(This is excerpt of IDAHOTB)
跨性別現身日 之 快問快答Quick guide to Transgender Day of Visibility (TDoV)美國密西根洲的Rachel Crandall於2009年3月31日成立國際跨性別現身日 (International Transgender Day of Visibility, TDoV)，致意慶祝跨性別者及她/他/大也們對社會的貢獻，並提升針對跨性別者歧視行為的關注度。 International Transgender Day of Visibility (TDoV) was founded in March 31st 2009 by US-based activists Rachel Crandall, TDoV dedicates in acknowledging and celebrating living members of the transgender community, as well as raising awareness of discrimination against transgender […]
(This is excerpt of issued)
(This is excerpt of ....)
關於性別上的疑難或困擾，歡迎聯絡我們。
熱線電話：6120 9810 （逢星期一、三、五 下午 6 時 30 分～晚上 9 時 30 分）
Whatsapp/Signal：6120 9810（於辦公時間(下午4時～晚上10時)盡快回覆，假日除外）
Email：[email protected]
辦事處：九龍石硤尾南山邨南逸樓3-10號地下自助組織發展中心
所有查詢及傾談內容將會絕對保密。